ەركەبۇلان سەيداحمەت: مەنىڭ جەڭىسىم – قازاق فۋتبولىنىڭ جەڭىسى

– دەبيۋتتىك ويىنىڭ, جە­ڭىس­تەرىڭ قۇتتى بولسىن! بۇ­گىن­گى ويىنعا بايلانىستى نە اي­تا­سىڭ؟ قوبالجىعان بولار­سىڭ!؟

– راحمەت! ءوزىڭىز كورگەندەي جاسىل الاڭعا ەكىنشى تايمدا شىقتىم. توماعامدى سىپىرىپ, توپقا قوسقان باس باپكەرىمىز سەرگەي بوگدانوۆيچكە العىسىمدى ايتامىن. ويىننىڭ وتە قيىن, تارتىستى بولعانىن كوردىڭىزدەر. جەكە ءوزىمنىڭ ويىنىما توقتالار بولسام, ۇزاق ۋاقىتتان بەرى رەس­مي ويىنعا شىقپاپ ەدىم. وقۋ-جات­تىعۋ جيىنىندا جولداستىق كەز­دەسۋلەرگە قاتىسقانىم بار. بى­راق جولداستىق كەزدەسۋ مەن رەس­مي ويىنداردىڭ ايىر­ماشى­لىعى جەر مەن كوكتەي. تۇ­ساۋ­كە­سەر ويىنىمدا قوبالجى­عا­نىم راس. ازىرگە باسى جامان ەمەس دەپ ويلايمىن. دەگەنمەن جات­تىعۋ كەزىندە ەكى ەسە تەر توگىپ, شە­بەر­لىگىمدى شىڭداي تۇسۋگە بار كۇشىمدى سالامىن.

– الاڭعا شىعار الدىندا باس باپكەر قانداي اقىل-كەڭەس بەردى؟

– سەرگەي بوگدانوۆيچ ەڭ ءبى­­رىن­شى ويىڭداعىنىڭ ءبارىن شىعارىپ تاستاپ, قورىقپاي, قوبالجىماي وينا دەپ ايتتى. قالاي ويناساڭ دا ەشكىم ساعان ۇرىسپايدى. وزىڭە سەنىمدى بول. ءوز ويىنىڭدى وينا. ودان ار­تىقتى ەشكىم سەنەن تالاپ ەت­پەيدى دەپ سەنىمدىلىگىمدى ارتتىرا ءتۇستى. الاڭعا شىق­قان­­دا جاۋاپكەرشىلىكتى سەزىن­دىم. باپ­كەردىڭ سوزدەرى, تاپسىر­ما­لارى ويىمدا بولدى. شامام كەل­گەنشە ارتىلعان سەنىمدى اقتاۋعا تىرىستىم.

–  ءوز وينىڭا كوڭىلىڭ تولدى ما؟

– ەڭ باستىسى, كوماندام جە­­ڭىسكە جەتتى. جو­عا­رىدا ايت­قا­نىم­داي, ارتىلعان سەنىمدى اقتاۋعا تىرىستىم. العاشقى اياق الى­سىما باعانى جانكۇيەر قاۋىم بەرە جاتار. ولار­دى قۋان­تا الساق, سەنىمدەرىن اق­تاساق, ماق­ساتىمىزدىڭ ورىن­دالعانى. سولار ءۇشىن وينايمىز. «ۋفا» ساپىن­دا العاشقى جەڭىسكە قول جەتكىز­گە­نىمە وتە قۋانىشتىمىن.

– باسقا كوماندا, باسقا قالا, باسقا ەل. كوماندا ويىن­­شى­لارى ءوزىڭدى قالاي قا­بىل­دادى؟

– «ۋفا» كومانداسى وتە جاقسى قارسى الدى. كلۋب قىزمەتكەرلەرى دە كوماندالاستارىم دا كومەككە ءاردايىم دايىن. ءبىز ءبىر ۇلكەن وتباسى سەكىلدىمىز. كومانداعا, قا­لاعا ۇيرەنۋگە بارلىق جاعداي جا­سالعان. تۇرمىستىق جاعدايدا دا, ادامي قارىم-قاتىناس ماسە­لە­سىندە دە ەشقانداي پروبلەما جوق. كەلگەنىمە كوپ بولماسا دا ۇجىمعا ءسىڭىسىپ كەتتىم.

– ۇلتتىق قۇراماعا شا­قىر­­تۋ الدىڭ. بۇل دا سەنىڭ با­عىن­­­دىرعان ءبىر بەلەسىڭ بول­ماق. ءار­بىر فۋتبولشىنىڭ ارما­نى – ەل نامىسىن قورعاۋ. ءوزىڭ قۇ­­­را­ماعا شاقىرتۋ ال­عا­نىڭ­دى بىل­گەندە قانداي سەزىمدە بول­­دىڭ؟

– ارينە, قاتتى قۋاندىم. بالا كەزىمنەن ۇلتتىق قۇراما جەي­دەسىن كيۋ ارمانىم ەدى. ەندى سول ارمانىما جەتۋىمە از قال­دى. بۇل ماعان ارتىلعان ۇلكەن جاۋاپكەرشىلىك, سەنىم دەپ بى­لەمىن. قازاق فۋتبولى جاڭا كە­زەڭگە قادام باسىپ وتىر. فۋت­بولىمىز دامىپ كەلەدى دەپ سەنىم­مەن ايتا الامىن. قازاق فۋتبولىندا بەدەلى زور باپكەر باس كوماندانىڭ تىزگىنىن ۇستادى.

– باپكەر دەمەكشى, ستا­نيمير ستويلوۆتىڭ ءوزىڭ تۋرا­لى اقپارات كوبەيىپ كەت­­كەن­­­­دىك­تەن, «تسيرككە اينال­دى­رىپ جى­بەردى» دەگەن ءسوزىن ەستىگەن بولارسىڭ؟

– ءيا ەستىدىم. ستانيمير ستوي­لوۆ وتە بىلىكتى باپكەر. ونى ايت­پاسام دا جاقسى بىلەسىزدەر. قازاق­ستان فۋتبولىن الەمگە تانىتقان تۇلعا دەپ ايتا الامىن. «استانا» فۋتبول كلۋبىمەن تاريحي جە­تىس­تىكتەرگە قول جەتكىزدى. سون­دىق­تان ستويلوۆپەن بىر­گە جۇمىس ىستەۋ مەن ءۇشىن ابى­روي. باپ­كەر­­دىڭ ايتقاندارىن تيا­ناقتى ورىن­­داپ, ۇلتتىق قۇ­رامامەن ال­دا­عى ويىنداردا جە­ڭىسكە جە­تۋ­گە تى­رىسامىز. جان­كۇيەر قاۋىم­نىڭ سەنىمىن اقتاۋعا كۇش سالامىز.

– «ەگەمەننىڭ» وقىر­مان­دارىنا تىلەگىڭ؟

– قازاقتىڭ قارشاداي قارا بالاسى رەسەي جەرىندە العاش رەت دوپ تەبەدى, دەبيۋتتىك ويىنىن وتكىزەدى دەگەندى ەستىگەندە, سوناۋ استانادان ارنايى ىزدەپ كەلىپ, قولداۋ بىلدىردىڭىزدەر! «ەگەمەن قازاقستان» گازەتىنە كوپ راحمەت! گازەت وقىرماندارىنا, قازاق فۋتبولىنىڭ جانكۇيەرلەرىنە ال­عى­سىمدى ايتامىن. مەنىڭ جەڭىسىم – قازاق فۋتبولىنىڭ جەڭىسى دەپ بىلەمىن.

اڭگىمەلەسكەن ەركەبۇلان جومارت,

«ەگەمەن قازاقستان»